Ic eom weorð werum, wide funden,
brungen of bearwum ond of burghleoþum,
of denum ond of dunum. Dæges mec wægun
feþre on lifte, feredon mid liste
5 under hrofes hleo. Hæleð mec siþþan
baþedan in bydene. Nu ic …
Biþ foldan dæl fægre gegierwed
mid þy heardestan ond mid þy scearpestan
ond mid þy grymmestan gumena gestreona,
corfen, sworfen, cyrred, þyrred,
5 bunden, wunden, blæced, wæced,
frætwed, geatwed, feorran læded
to durum dryhta. …
Ic wiht geseah wundorlice
hornum bitweonum huþe lædan,
lyftfæt leohtlic, listum gegierwed,
huþe to þam ham of þam heresiþe;
5 walde hyre on þære byrig bur atimbran
searwum asettan, gif hit swa meahte.
Ða cwom wundorlicu wiht …
Riddle 30a
Ic eom legbysig, lace mid winde,
bewunden mid wuldre, wedre gesomnad,
fus forðweges, fyre gebysgad,
bearu blowende, byrnende gled.
5 Ful oft mec gesiþas sendað æfter hondum,
þæt mec weras ond wif wlonce cyssað.
Þonne ic …
Is þes middangeard missenlicum
wisum gewlitegad, wrættum gefrætwad.
Ic seah sellic þing singan on ræcede;
wiht wæs nower (1) werum on gemonge
5 sio hæfde wæstum wundorlicran.
Niþerweard wæs neb hyre,
fet ond folme fugele gelice;
no hwæþre fleogan mæg ne fela gongan,
hwæþre feþegeorn fremman onginneð,
10 …
Is þes middangeard missenlicum
wisum gewlitegad, wrættum gefrætwad.
Siþum sellic ic seah searo hweorfan,
grindan wið greote, giellende faran.
5 Næfde sellicu wiht syne ne folme,
exle ne earmas; sceal on anum fet
searoceap swifan, swiþe feran,
faran ofer feldas. Hæfde fela ribba;
muð wæs on middan. Moncynne nyt,
10 …
Wiht cwom æfter wege wrætlicu liþan,
cymlic from ceole cleopode to londe,
hlinsade hlude; hleahtor wæs gryrelic,
egesful on earde, ecge wæron scearpe.
5 Wæs hio hetegrim, hilde to sæne,
biter beadoweorca; bordweallas grof,
heard, hiþende, …
Ic wiht geseah in wera burgum
seo þæt feoh fedeð. Hafað fela toþa;
nebb biþ hyre æt nytte, niþerweard gongeð,
hiþeð holdlice ond to ham tyhð,
5 wæþeð geond weallas, wyrte seceð;
aa heo þa findeð þa þe fæst ne …
Riddle 35
Mec se wæta wong, wundrum freorig,
of his innaþe ærist cende.
Ne wat ic mec beworhtne wulle flysum,
hærum þurh heahcræft, hygeþoncum min.
5 Wundene me ne beoð wefle, ne ic wearp hafu,
ne þurh þreata geþræcu þræd me ne hlimmeð,
ne æt me hrutende hrisil scriþeð, …
Ic wiht geseah on wege feran,
seo was wrætlice wundrum gegierwed.
Hæfde feowere fet under wombe
ond ehtuwe
5 monn h w M wiif m x l kf wf hors qxxs
ufon on hrycge;
hæfde tu fiþru ond twelf eagan
ond siex heafdu. Saga hwæt hio wære.
For flodwegas; ne …
Ic þa wihte geseah; womb wæs on hindan
þriþum aþrunten. Þegn folgade,
mægenrofa man, ond micel hæfde
gefered þæt hit felde, fleah þurh his eage.
5 Ne swylteð he symle, þonne syllan sceal
innað þam oþrum, ac him eft cymeð
bot in bosme, blæd biþ aræred;
he sunu wyrceð, bið …
Ic þa wiht geseah wæpnedcynnes,
geoguðmyrþe grædig; him on gafol forlet
ferðfriþende feower wellan
scire sceotan, on gesceap þeotan.
5 Mon maþelade, se þe me gesægde:
“Seo wiht, gif hio gedygeð, duna briceð;
gif he tobirsteð, …
Gewritu secgað þæt seo wiht sy
mid moncynne miclum tidum
sweotol ond gesyne. Sundorcræft hafað
maran micle, þonne hit men witen.
5 Heo wile gesecan sundor æghwylcne
feorhberendra, gewiteð eft feran on weg.
Ne bið hio næfre …