POSTS FROM THE BERN RIDDLES
Jump to riddle:
39 40 41 42 43 44 45 46 47 48 49 50 50

Commentary for Bern Riddle 38: De glacie
Bern Riddle 39: De hedera
Arbor mihi pater, nam et lapidea mater;
Corpore nam mollis duros disrumpo parentes.
Aestas me nec ulla, ulla nec frigora vincunt,
Bruma color unus vernoque simul et aesto.
Propriis erecta vetor consistere plantis,
Manibus sed alta peto cacumina tortis.
Click to show riddle solution?

Solution: Ivy
Commentary for Bern Riddle 39: De hedera
Bern Riddle 40: De muscipula
Vinculis extensa multos conprendo vagantes
Et soluta nullum queo conprendere pastum.
Venter mihi nullus, quo possint capta reponi,
Sed multa pro membris formantur ora tenendi.
Opes mihi non sunt, sursum si pendor ad auras,
Nam fortuna mihi manet, si tensa dimittor.
Click to show riddle solution?

Solution: Mousetrap
Commentary for Bern Riddle 40: De muscipula
Bern Riddle 41: De vento
Velox curro nascens grandi virtute sonorus;
Deprimo nam fortes, infirmos adlevo sursum.
Os est mihi nullum, dente nec vulnero quemquam,
Mordeo sed cunctos silvis campisque morantes.
Cernere me quisquam nequit aut nectere vinclis;
Macedo nec Liber vicit nec Hercules umquam.
Click to show riddle solution?

Solution: Wind
Commentary for Bern Riddle 41: De vento
Bern Riddle 42: De glacie
Arte me nec ulla valet durescere quisquam.
Efficior dura, multosque facio molles.
Cuncti me solutam cara per oscula gaudent
Et nemo constrictam manu vel tangere cupit.
Speciem mi pulchram dat turpi rigidus auctor,
Qui eius ab ira iubet turpiscere pulchros.
Click to show riddle solution?

Solution: Ice
Commentary for Bern Riddle 42: De glacie
Bern Riddle 43: De vermicolis siricis formatis
Innumeros concepta mitto de nido volatus
Corpus et inmensum parvis adsumo de membris.
Mollibus de plumis vestem contexo nitentem
Et texturae sonum aure nec concipit ullus.
Si quis forte meo videtur vellere tectus,
Protinus excussam vestem reicere temptat.
Click to show riddle solution?

Solution: Silkworm
Commentary for Bern Riddle 43: De vermicolis siricis formatis
Bern Riddle 44: De margarita
Conspicuum corpus arte mirifica sumpsi;
Multis cava modis gemmarum ordine nector.
Publicis concepta locis in abdito nascor.
Vacua do lucem, referta confero lucrum.
Nullum mihi frigus valet nec bruma vilescit,
Sed calore semper molli sopita fatigor.
Click to show riddle solution?

Solution: Pearl
Commentary for Bern Riddle 44: De margarita
Bern Riddle 45: De terra
Os est mihi patens crebroque tunditur ictu;
Reddo libens omnes escas, quas sumpsero lambens.
Nulla mihi fames sitimque sentio nullam,
Et ieiuna mihi semper praecordia restant.
Omnibus ad escam miros efficio sapores
Gelidumque mihi durat per secula corpus.
Click to show riddle solution?

Solution: Earth
Commentary for Bern Riddle 45: De terra
Bern Riddle 46: De malleo
Una mihi toto cervix pro corpore constat,
Et duo libenter nascuntur capita collo.
Versa mihi pedum vice dum capita currunt,
Lenes reddo vias, calle quas tero frequenti.
Nullus mihi comam tondet nec pectine versat:
Vertice nitenti plures per oscula gaudent.
Click to show riddle solution?

Solution: Hammer
Commentary for Bern Riddle 46: De malleo
Bern Riddle 47: De cochlea
Aspera, dum nascor, cute producor a matre
Et adulta crescens leni circumdor amictu.
Sonitum intacta magnum de ventre produco
Et corrupta tacens vocem non profero ullam.
Nullus in amore certo me diligit unquam,
Nudam nisi tangat vestemque tulerit omnem.
Click to show riddle solution?

Solution: Sea-snail
Commentary for Bern Riddle 47: De cochlea
Bern Riddle 48: De castanea
Quattuor has ego conclusa gero figuras,
Pandere quas paucis deposcit ratio verbis:
Humida sum sicca, subtili corpore crassa,
Dulcis et amara, duro gestamine mollis.
Dulcis esse nulli possum nec crescere iuste,
Nisi sub amaro duroque carcere nascar.
Click to show riddle solution?

Solution: Chestnut
Commentary for Bern Riddle 48: De castanea
Bern Riddle 49: De pluvia
Mirantibus cunctis nascens infligo querelas.
Efficior statim maior a patre qui nascor.
Me gaudere nullus potest, si terrae coaequor;
Superas me cuncti laetantur carpere vias.
Inproba amara diffundo pocula totis,
Et videre quanti volunt tantique refutant.
Click to show riddle solution?

Solution: Rain
Commentary for Bern Riddle 49: De pluvia
Bern Riddle 50: De vino
Innumeris ego nascor de matribus unum,
Genitum qui nullum vivum relinquo parentem.
Multa me nascente subportant vulnera matres,
Quarum mihi mors est potestas data per omnes.
Laedere non possum, me si quis oderit, umquam
Et iniqua reddo me quoque satis amanti.
Click to show riddle solution?

Solution: Wine
Bern Riddle 50A: De charta
Multimodo matris divellor opere membris
Et truncata multum reddor de minimo maior.
Fateor intacta firmis consistere plantis,
Opera nullius virgo momenti relinquo.
Solida disiungor, rursum soluta reformor,
Quae secura meis creduntur liquida membris.
Click to show riddle solution?

Solution: Papyrus sheet