POSTS FROM THE BERN RIDDLES
Jump to riddle:
51 52 53 54 55 56 57 58 59 60 61 62

Commentary for Bern Riddle 50: De vino
Commentary for Bern Riddle 50A: De charta
Bern Riddle 51: De alio
Multiplici veste natus de matre producor
Nec habere corpus possum, si vestem amitto.
Meos, unde nascor, in venre fero parentes,
Vivo nam sepultus, vitam et inde resumo.
Superis eductus nec umquam crescere possum,
Dum natura caput facit succedere plantis.
Click to show riddle solution?

Solution: Garlic
Commentary for Bern Riddle 51: De alio
Bern Riddle 52: De rosa
Mollis ego duros de corde genero natos;
In conceptu numquam amplexu viri delector.
Sed dum infra meis concrescunt fili latebris,
Meum quisque nascens disrumpit vulnere corpus.
Postquam decorato velantes tegmine matrem
Saepe delicati frangunt acumine fortes.
Click to show riddle solution?

Solution: Rose
Commentary on Bern Riddle 52: De rosa
Bern Riddle 53: De trutina
Venter mihi nullus, infra praecordia nulla,
Tenui nam semper feror in corpore sicca.
Cibum nulli quaero, ciborum milia servans.
Loco currens uno lucrum ac confero damnum.
Duo mihi membra tantum in corpore pendunt,
Similemque gerunt caput et planta figuram.
Click to show riddle solution?

Solution: Scales (?)
Commentary for Bern Riddle 53: De trutina
Bern Riddle 54: De insubulis
Duo generantur multo sub numero fratres,
Nomine sub uno divisus quisque natura.
Pauper atque dives pari labore premuntur.
Pauper semper habet divesque saepe requiret.
Caput illis nullum, sed os cum corpore cingunt.
Nam stantes nihil, sed iacentes plurima portant.
Click to show riddle solution?

Solution: Loom beams (?)
Commentary for Bern Riddle 54: De insubulis
Bern Riddle 55: De sole
Semine nec ullo patris creata renascor,
Ubera nec matris suxi, quo crescere possem,
Uberibusque meis ego saepe reficio multos.
Vestigia nulla figens perambulo terras.
Anima nec caro mihi nec cetera membra.
Aligeras tamen reddo temporibus umbras.
Click to show riddle solution?

Solution: The Sun or a cloud.
Commentary for Bern Riddle 55: De sole
Bern Riddle 56: De sole
Una mihi soror, unus et ego sorori.
Coniux illa mihi, huius et ego maritus,
Nam numquam uno sed multorum coniungimur ambo,
Sed de longe meam praegnantem reddo sororem.
Quotquot illa suo gignit ex utero partus,
Cunctos uno reddo tectos de peplo nepotes.
Click to show riddle solution?

Solution: The Sun
Commentary for Bern Riddle 56: De sole
Bern Riddle 57: De sole
Prohibeor solus noctis videre tenebras
Et absconse ducor longa per avia fugiens.
Nulla mihi velox avis inventa volatu,
Cum videar nullas gestare corpore pennas.
Vix auferre praedam me coram latro valebit.
Publica per diem dum semper competa curro.
Click to show riddle solution?

Solution: The Sun
Commentary for Bern Riddle 57: De sole
Bern Riddle 58: De luna
Assiduo multas vias itinere currens
Corpore defecta velox conprendo senectam.
Versa vice rursum conpellor ire deorsum
Et ab ima redux trahor conscendere sursum.
Sed cum mei parvum cursus conplevero tempus,
Infantia pars est simul et curva senectus.
Click to show riddle solution?

Solution: The Moon
Commentary for Bern Riddle 58: De luna
Bern Riddle 59: De luna
Quo movear gressum, nullus cognoscere temptat
Cernere nec vultus per diem signa valebit.
Cottidie currens vias perambulo multas
Et bis iterato cunctas recurro per annum.
Imber, nix, pruina, glacies nec fulgora nocent,
Timeo nec ventum forti testudine tecta.
Click to show riddle solution?

Solution: The Moon
Commentary for Bern Riddle 59: De luna
Bern Riddle 60: De caelo
Promiscuo per diem vultu dum reddor amictus,
Pulchrum saepe reddo, turpis qui semper habetur.
Innumeras ego res cunctis fero mirandas.
Pondere sub magno rerum nec gravor onustus.
Nullus mihi dorsum, faciem sed cuncti mirantur,
Et meo cum bonis malos recipio tecto.
Click to show riddle solution?

Solution: The sky
Commentary for Bern Riddle 60: De caelo
Bern Riddle 61: De umbra
Humidis delector semper consistere locis
Et sine radice inmensos porrigo ramos.
Mecum iter agens nulla sub arte tenebit,
Comitem sed viae ego conprendere possum.
Certum me videnti demonstro corpus a longe,
Positus et iuxta totam me nunquam videbit.
Click to show riddle solution?

Solution: A shadow; night
Commentary for Bern Riddle 61: De umbra
Bern Riddle 62: De stellis
Milia conclusae domo sub una sorores,
Minima non crescit, maior nec aevo senescit
et cum nulla parem conetur adloqui verbis,
suos moderato servant in ordine cursus.
Pulchrior turpentem vultu non dispicit ulla,
odiuntque lucem, noctis secreta mirantur.
Click to show riddle solution?

Solution: The stars